طريقه عمل اللانشون في البيت

انا جايبالكم النهارده طريقة عمل اللانشون فى البيت
اكيد طبعا حيكون انضف واضمن من الجاهز على الاقل حتاكلى اولادك حاجه مضمونه

طريقه عمل اللانشون في البيت Thum_940844e7ae2c3b81d5

المقادير
نصف معلقه كبابه صينى (مطحون)
شعره لون احمر صحى(مطحون)
نصف معلقه روز مارى(مطحون)

ودول من عند اى محل عطاره وممكن تزودى النصف معلقه لمعلقه لو معلقتك من النوع الصغير وممكن تزودى اللون شويه لو حبيتى انه يكون محمر اكتر كله ده حسب ذوق كل وحده
ربع معلقه فلفل اسمر مطحون(ممكن تزويدها لو انتى عايزه لنصف معلقه)
6بيضات
5معالق دقيق
1معلقه نشا
6وحدات نستو(اى نوع بتحبيه)
نصف كوب زيت
3فصوص ثوم
2 مكعب ماجى

الطريقه
اولا نضرب كل المكونات كلها مع بعض فى الخلاط

ثانيا نجيب علبه سمن كيلو فاضيه(وانا بأكد انها تبقى حجمها كيلو)او اى كوب استنلس بس يكون عميق
وندهنا زيت كلها حوالين دايروياريت يبقى فى شويه زيت فى قعر العلبه عشان لمى تيجى تقلبيها متلزقش
ثالثا نجيب حله كبيره نملاها ميه بس شويه مش كتير عشان لما تغلى الميه اللى جوه الحله متوقعش العلبه والميه متدخلش فى اللانشون
رابعا نحط العلبه جوه الحله الى فيها ميه مش كتير ونشغل عليها النار واول ما تغلى نوطى على الناريعنى تكون على نار هاديه وبكده تكونى بتسويها فى حمام ميه وطبعا نغطى الحله عشان تستوى بسرعه

بتقعد على النار من ساعه لحد ساعه ونصف بس عموما ساعه ونصف
وعشان تعرفيها استوت ازاى اختبريها زى الكيكه بالضبط بسكين رقيق

لو طلعت نظيفه فكده استوت اطفى عليها وطلعى العلبه من الحله لما تهدى اقلبيها فى طبق كبير او صنيه زىما تحبى وحطيها فى الثلاجه وبعد كده قطعيها بالسكينه او بمبشره الشيبسى ولو حتبشرسها بقطاعة الشيبسى لازم تكون ساقعه جدا عشان تتبشر معاكى حلوولو حتقطعيها بالسكين يبقى عادى

على فكره هى على النارحتعمل زى الكيكه هتنفش وبعد مطلعيها هتهبط تانى ودى العادى بتاعها
صدقونى جربوها ومش حتندموا

» اليك بعض النصائح.. للاعتناء ببشرتك في البيت!!
» طريقه عمل لسان العصفور بالعكاوى- طريقه تحضير لسان العصفور بالعكاوى
» طريقه عمل اللازنيه
» طريقه عمل البيتزا
» طريقه عمل كباب حلة