حداد فى حداد

حداد على روح الشهداء
حداد على ضحايا ابرياء
حداد على انعدام الاخلاق
حداد لخاطر السفهاء
حداد على الوطن اللى مات
حداد على اللى فقد الولاء
حداد على الاقتصاد
وعلى السياسة والسياحة
حداد فى كل المجالات
حداد على الانتماء
حداد للكدب والنفاق
حداد لخاطر الرياء
حداد على العزة
حداد على الكرامة والكبرياء
حداد فى حداد
حداد على كل الكون
شرايط سودة على العيون
حداد على سواد الجفون
حداد على الركد والسكون
حداد على نفوس بريئة
بسهولة علينا بتهون
حداد لخاطر الفرعون
حداد لمدة قرون
حداد فى حداد
حداد على نفوس على الخوف
بتصحى وبتنام
حداد على الامن والامان
حداد على معنى الانسان
حداد على السلم والسلام
حداد على الاعلام
حداد على صمت الكلام
حداد لذل الايام
حداد فى حداد
حداد على الظلم والفساد
حداد على السواد
اللى دفى فى احضانه البلاد
حداد على قهر العباد
حداد لخاطر الكبر والعناد
حداد فى حداد
حداد عليكى يا مصر
ولا تفكر ولا تحلمى
فى يوم بالنصر
وهقول مش هستحى
مكتوب عليكى
تكونى مسخة كل عصر
حقك تسكنى كل قبر
فاض كفاية بيا الصبر
معدش فيكى الا كل فقر
نظرتك لولادك كبر فى كبر
حداد على سنين العمر
طعمك اصبح مر
حداد على كل ام
مات ابنها عشان يرضيكى
وتيجى تقولى العيب
على ابنك وعليكى
وده اخر كلامى فيكى
وبكرة تلاقى
كل العيون عليكى
وفى كل صلاة فى كل
ركعة فى كل سجدة
هفضل ادعى عليكى
تشوفى الويل بعينيكى

تسلم ايدك وربنا يرحمنا جميعا

اللهم امين يارب العالمين تسلمى

الشكر ليكى تسلمى